जिन्गिक सहारा

जिन्गिक सहारा

      एकठो बरा सुग्घर गाँउरहे जहाँ तीन सदस्यरहल एकल सुखि परिवाररहे । समय बिटठजाइठ यहाँ भविष्य केदेख्लेवा । चाहे ज्या रलेसेफेन ऊ सुन्दर परिवारमन केकरो नँजरनालागजाय बस मोर यीहे कामना बा । यी समयके अजिव लिला जुनदाईबाबा जलम करम देनै उहे बिचारी दाई नाअपन पटोहिया देखेपाइठ नाही वइनके कमाइ वस्टहि यी संसार मनसे अकालेम रोगके उपचार कराइनै सेकके मरजैठंी । आझ उघरेम दाई नै रलेसेफेन लर्का कमाइवला हुगिलटै । आझ वकर लर्का भोजकर्ना मेरके हुइलेक ओरसे जहाँ टहाँ करके पटोहिया खोजठ ओ विचारा बाबा सेकनैसेकके रीन कर्जा कँहारके अपन दुनु छावनके भोज कराइठ ।
 समयके गतिसँगे अपन लर्का ओ पटोहिया पाके अपन सार दुःख बिस्रैटि आझ ऊ नयाँ संसार पाइलहस जीवन कटना आनन्दमयबा कहठ । ऊ जीवनके स्वाद चिखट । नट्या नटिन्याफे भेटाजाइठ । आझ उहिन बुह्रैलेक पटैनैहुइस । नट्यन जवानहुइटजैठिस ओ स्कूल जाइलगठै । पारिवारिक सदस्य दिन प्रतिदिन बह्रटिजाइठ ओ आवश्यक्त ओ महंगी बह्रटजाइठ टब यहाँ पैसाके अभाव दिन प्रतिदिन बह्रतिजाइठ ।आझुक मंहगाइमनआवश्यक्ता पुराकर्ना कर्रा परेलगठ । अनि पुराहुइनैपाकेकलह बह्रेलागठ । गरिबी एकठो ऐसिन खटरनाक रोगहो जुन रोग के सृजना ऊ घरेम उत्पन्नहुजाइठ । एकदिनिक बाटहो भाइ भाइमन झगरा हुजाइठ विचार बुह्रइल बाबा दुनु जवान लर्कनके झगरा हेरके बैठना सिवायक कौनोफे बिकल्पनैरठिस । जुन झगरके मुख्यकारण उहे गरिबी हो , बस दुचार दिनिम एक पटोहिया एकपाँजर खाना पकाइटाटे एक पटोहिया एकपाँजर लागके पकाइट देखके आँखि रसाजैठिस । कुछदिनपरसे दुनु भाइनके एकदोसरओर घर बनजैठिन । मने बिचरा बाबाहे आझ कोइ पालदेहुइया नैबिलगाइठोँइ । आझ निर्जीव लाठीक टेकनी बाहेक सहारा देहुइया ओकर कोइनैहुइस । दुनु लर्कनके अपने संसार सजाइलगठै मने ऊ संसारमन जलम देहुइया बाबाक स्थान नैरठिस ।
 आझ पालदेहुइया ऊ बुह्रवइ कोइनैहुइस । दुनु लर्का अलगाइल अवस्थामन बिचरा बाबाहे आझ कलुवाबेरी पकादेहुया पुछदेहुइया कोइनैपाइलागठ । टब किसनुवन कलुवा एकघर बेरी एकघर खैना बनादेठै मने जब खाना खाइजाइलागठटे बर्का घरेक लर्का बठै  आझुक पाला हमार खानापकैना नैहो छोटकक पालाहुइस कठै टे छोटक घर जाइठटे बर्काघरेक पालाहोे हमरे बाहर जाइटी कहिके चलजैठै । कबु काल्ह टिनाउना मीठ रलेसे ऊ खाइनैपाइठ ।  बिचरा बाबा घरेम भुँख्ले मरलसे घरसे बरादुर अपन लर्कनके माया मारके चलाजाइठ ।यी पापी पेटहे सेकलसम काम करम ओ जीयम कहिके निकर जाइठ ।आझ ऊ बुह्रवक संसार उजाडहुजैठिस । यी दूनिया कट्ना स्वर्थी बिलगाइठ । जुन दाई बाबा आझ यी दुनिया दैकेगैनै विचारी ऊ दाई टे कौनो स्वार्थ नैधारके दुःखभर अपनभाग अनि सुख देहेनैसेकलेसेफेन रहल दुनियामे आँखिनैगरठी । तर ऊ लर्कनके र्कतव्य रहेकी एकठो बाबा जुन आझ काल्हभरिक पहुनाहो उहिन पलना कटनागाह्रो बाटिन ।वाबा आझ कन्पट पकरले चिन्ताके सागरमन दुबजाइठ । यी समय कट्ना मटलबिबा नयाँ( नयाँ मनैनकिल हेरठ , आझ मै पुरान हुगैनुटे अपन छावाटे दूरके बाट अपन शरीरफेन साथदेना छोरेलागल । जिवनभरके जौन संघरिया बनैलेरहु ऊफेन बिचडग्रैमसे यी निष्ठुरी समय छिनके लैगिल । आझ यी दुखियामनहे सानत्वना देहुइयाफे कोइनैहो । यी समय कट्ना बलवानबा जाचाहठ ऊ करके छोरठ । यकर मनमुटु कुछनैरठिस । आझ बाबा पस्टैटी कहठ सायद मै उमेरमे दमरहलबेला कुछ धन सँचलेरटुटे कट्नामजा हुइनारहे । पाछेपुस्टा पाछेअक्किल काकनाहो । कन्द्रिहान लवन्डा कैचोविचारा मोरघर डौरल बीमाकरले कहिके घँोसल । बुह्रइल अवस्थामन जब शरीर धोकादेहठ , लर्कापर्का धोकादिहि चाहे पैसा काम परलबेला आपटबिपट परलबेला बिना झन्झट निकारेफेन बनठ कहे मने यी कम्पनी भागठ की काकरठ , अपन लर्कनके टे विश्वास नैरहठटे यी काहो¬( काहो कहिके वास्टैनैकरनु । जब सुक्खरिक एकजनहन एघारालाख देहलसुनके मै भरखर विश्वास लागल । विचारा भैया मोरलग कट्ना सोचके ओ कट्ना विश्वास करके आइलरहे । एक्को नै रिस्साके कैयोचो सम्झाइल  थुक्कमोर वुद्दि उहिन जबफे निरास बनाके पठैनु । जब ऊ बाबाहे अपन लर्कनके सहाराके जरुरट परठिस टब लर्काटेदूर केवल उहिन निर्जीव लाठिक टेकनि बाहेक सहारा देहुइया कोइनै पाइठो । विचरा बाबा सोचमेपरल कहठ जरुर छाई पाउ दमदुवकलग टे छावापाउ पटोहियकलग यहाँ अपन कना कोइनै हो । अपन मनहे सानत्वनादेटि कहठ चलज्यू जाकरममे लीखलहुइ जा अपनभागमे खेप्नाहुइ वट्नाटे भोगहिपरि ।ज्यादमे मोर मौटे आइ यिहिनसे बरा कासजाइ हुइर कति बलगर मन बनाइठ । मने दुनिया साथदेहेक छोरलेसेफेन हे सम्भू र्अचनाबाबा टै हेरदिहिस कहटि अपन आँखी रसैटि घरसे बरादुर चलदेहठ मने उहिन उलिटकेफेन हेरदेहुइया कोइनै हुइस । सम्भूके सहारामगटि आझ धिरेधिरे नेगट( नेगट जाइलकरठ । जाइट( जाइट राट परजैठिस भूँखे पियासे पसनासे गलल देख्के कूक्कुर काटेकाटे करके भुखठिस टब अपन लाठि टेक्नीक सहाराले भगाइठ । जाइट जाइट राट छिपेलागठ टब एकघर  बासमागठ । बास देहुइया घरेकमनै फेन पगलाहोकि चोर मनियाहो कहटि कानेटिर खुसफुस( खुसफुस बाटकरठै मने दुखिया बाबा हे यी सब बाट पचैहिकपर्ना जरुरिरठिस । एक राट उधारिम सुटेपाजाइठ । जैसिक टैसिक मच्छरिनके सिकार बनके एकराट बिटाइठ । भिनसहरै मुर्गिबोलनासे पहिले उठजाइठ मने सोचठ राटभर सुटके बिनबोलले चलजैमटे नैसोहाइ टबमारे उघरेक मनै कबजगहि कहिके प्रतिक्षा करठ । जब घरेकमनै जगठै टे बिचराबुह्रवइ निदनैपुुगल कहिके अलपटरे बिलगाइठ । अव जाने ओकर अन्टरमनके चिन्ताहो या निदेहो कहेनैसेकजाइ । बिहानके जब मजासे बाट करेबेर उघरेक किसनुवक छोटेमका सघरिया पो निकरठ ।
भलाखुसारि करट ¬¬( करट अपन बिटल बाट जब अपन संघरियइ सुनाइठ टब संघरियइ बरा दुःख लगठिस । संघरियक दुःख देखके कुछदिनके बास देहठ । बिचारा बाबा बुुह्राइले दाह्रिम आझ अपन रगतसे नजिक भावनाके नातफेन रहठ कहिके पटापाइठ । ऊ दिनसे अपन सेकनासम बलबुटि चलल्सम काम करट ओ दिन बिटाइठ । समय बिटठ् जाइठ बरसदिन बिटट जाइठ कबु बेराम हुजाइठ टे कबु का ( का हुइठिस यहाँ ज्या हुइलेसेफेन ओकर मनके इच्छा ज्या रलेसेफेन सिरिफ मनमे दबाके बैठेपरठिस अपनाहुइल पराइके घरेम । बुह्राइल बाबाहे ऊ संघरियक पुटपटोहियन पालके जिउ खिस्यागिलरठिन ।दोस्टी दो दिनकेकठै , एकदिनके बाटहो उ संघरियक पुटपटोहियनके कारणसेफेन अपन संघरियइ चाहकेफेन अपनघर बैठाइनैसेकना अवस्थम पुगजाइठ । मने अपन संघरियइ कैसिके पठादिउ कहटि ऊ सोच्टि रहठ । टब एकठो बरा मजा कहानि बनाइठ ओ अपन संघरियइ सारा बाट सिखाइठ ओ अपनपुरान टिनेक बाक्सामन बरभारि किट्टाइल( किट्टाइल टाला लगाके ओकर संघरिया अपन छावनठन जाइ सब मजाहुजाइ कहिके पठाहदेहठ ।
बिचरा बुह्राइल बाबा अब मूनाबेला अपने लर्कनके आगिसे मरम कहिके आधाडगर संघरियक छावा पठाइजैठिस । ऊ बाबा अपन लर्कनके घरेक लग्गहि पुगजाइठ । एक हाँठ टेकनि टे एकहाँठ सेकनैसेकके कन्ढम ढारल बक्सारठिस । टब ओकर पटोहिया यी नजारा देख्ठीस टब ओकर छावकठन डौरलजाके कहठ हमार बुह्रवाहस खै केहो बरभारि बकसा ले ले आइटा । जब पुगठ टे जात्तिक वइनके बाबैरठिन बराभारि बकसा लेले टिनेक बकसा किट्टाइल टाला बरभारि लगाइल बिलगाइठ । जस्टे चाल कर्ना वस्टे खसफस खसफस बोल्ना सुनके  बपन बाबासे ठोठोर डेराइल स्वर निकारके कठै बाबा काहो यी बक्सम ,टब बाबा अपन सिखाइल संघरियक बाट याद कर्ती कहे जाइलागठ टब्बहि ओकर दोसर पुटपटोह पुगजैठिस टब टाँक फुलाके दुनु पुटपटोहीयन सुनाके कहठ जबसे मोरघर कन्द्रिहान लवन्डा आके बीमक बाटकरल लर्का साठछोरदिहि वा अपन आपट बिपट परलबेला पैसक चाभि अपनठन बा कलेसे जबमन लगि टबे निकारेमिलठ यी दुनियम केकरो विश्वास नैकरेक परठ । मनै मै वकरे बिश्वास नैकरके बारम्बार बीमम रुपिया धारलसे अपन गरगहना रहल धन बचाइलगनु  जात्तिके ऊ लवन्डक बाट एकडम ठिकहो आझ पटापाइटु मने ओकरदेहल अक्कील आझ महिन काम लागटा । लर्को टुहरे मोर सहारा देहेक छोरके मोर माया मारदेलो टब मै रीस्साके अपन धन दैदैके ज्यू पालटहु मने औरेजहनसे अपने लर्कन दैके मरम कहिके आइलहो मने जे महिनपालि ओ आगि दी वकर यी धनरहि कहठ टब दुनू लर्का धनके लालचसे मैपालम मैपालम कहिके झगरा हुइलगठिन । ऐसिन बाट नाबट्वाइस कहिके अपन बाबै हप्काइहस करठै । टब बुह्रवा कहठ ठीकबा दुनुजे मोरे लर्काहो बरु मै बिहान एकघर  कलुवा टे साँझके एकघर बेरीखैम कहठ । टबसे बाबाक मजासे दिन बिटेलगठिस । मजासे कलुवाबेरि खाइठ ओ खाइबेर बाट लगैटि कहठ आझ यीपटोहिया मजासे भाट नैपकैलेहो ,टीनाफेन मीठनैहो । दोसरदिन मजासे मनलगाके पकाइठ टभून बाबाकहठ यीपटोहिया मजासे खानानैपकाइठ अबसे साँझ सक्कार दोसर पटोहियकठन भाटखैम यी बाट सुनके वकरछावा अपन जनिवइ गरयाइठ टब बुह्रा बाबा कहठ भरखर बडला निकारे मिलटा । जात्तिक सम्भू सबका हेरठ कहिके विश्वास करठ । खानाखाके मजासे बकसम घोड्डीलगाके नाक बोजाबोजा सुटठ मने एकसिका उठाके काम नैकरठ । अपन टोलमका सक्कूजहन बीमा कराइक कहठ नै टे मोरेहस दुःख पैबो कहठ । बुह्रवा बाबा ज्युबुह्रटिउठूल्ह हुइटजाइठ । अपन हुइनासम पलभरके जिन्दगीम अपन लर्कनके कमाहि खादरनु कहठ । कौनो गल्टी हुइटे सम्भूमाफ करहो कहठ ।
 एकदिनके बाटहो यी दुनियाके रीति अनुसार बाबा अपन भागखाके सदासदाकलग यी दुनिया छोरके चलाजाइठ । मने अचम्मलगटिक बाटकाबा कलेसे अटनामाया करके दुनु भाइ पालल बाबाहे आझ दाहसंस्कार कर्नाबेला नाकोइरोइल नाहि लहासके लग्गे आइठोँइ । टब किसनुवन घरेमपेलके हेरठैटे बकसकलग झगर खेलट देख्ठै मै ज्यादा सुसार करनु कहटि ज्यादा भागचाहि कहिके दुनु भाइनके झगरा रठिन टब गाँउक भलमनसाकहठ चाहे जा रलेसेफेन पहिले बाबक बिदाइकरि टब आके यिहे किसनुवन बराबर यी बकसक धन भाग लगादेब कटि आगी पानीदैके साराकाम ओरवाके आके किसनुवन ऊ बकसा फोरके भागलगाइजाइबेर बकसक भिट्टर टे कागज  ओ ढुगक गिटिकिल रहठ । ज्यारलेसेफेन आझ ऊ संघरियक सिखाइल अक्किल ओकर जिन्गिक सहारा बनके रहल । बिचारा लर्का आझ भरखर अक्कीलपैठै कि काल्हीकलग आझ कुछ सोचना जरुरी बा । कापटा हमार लर्का या यी समाजके का भर सायद हमारगटिफेन अस्टे हुइसेकि । ओ काल्ह ,आझके लग हरपल साथदेहेसेकना चाज सायद बीमाही हुइसेकी ,जयहो जिन्गिक सहारा बीमा , बिगरतिरहल चिजहे आर्थिक सहयोग करके मजा बनैना टुँ बीमा ।


नेपाल लाइफ इन्स्याेरेन्स कं.लि.
वरिष्ट ऐजेन्सि मेनेजर
हिरालाल सत्गौँवा
ध.न.पा. २ , कैलाली
बिमा सम्बन्धि सम्पूर्ण, नि शुल्क परामर्शके लााग

9801713813