विगतके अाठ बरषहे सम्झेबेर

विगतके अाठ बरषहे सम्झेबेर

      का कर्ना हो का नै, समय परिवर्तनशील बा । इ जिउहे बुह्राइल बाबक् कमाई मे डोंगलाइल बुह्राइल डाईक् पकाइल पकौना भात खाके अक्कील मोट्टाइलहस् लागे । बश घोरीन्के आँखीम् लगाइल रहट जने का कठ,ै उहिन जौन आँजर पाँजर डेख्ना पाए सोझे अपन एक सुरेम् यात्रा कर्ना जस्ते जिन्गीक् एक्ठो यात्रा किल बिल्गाए ।
क्याम्पस पह्रे जैना अइना ओट्नेकिल काम रहे मोर । शिक्षा संकायके विद्यार्थी हुइलेक् मारे बोडिङ्ग स्कूलमे कुल कैह्या काम करेमिलि मन कहति रहे । काहेकी बिए पास हुगिल रहुँ । मने बोडिङ्गके तलब डु हजार महिनक् संघर्यन्के सुन मिले जुन दिनक मजुरि कलेसे छैसट्ठी रुपियाकिल देहारी रहे । फेन मन कहे सामान्य लेबरके कमाइ देहारी २०० कमैठै मने मै १३ मे पह्रना मनैन्के कमाई ६६ रुप्या किल हत्तेरी पह्रके कामे नैहो । काम करे जाउ लाज लग्ना स्कूल पह्राइ जाँउ दिनक् ६६ रुपिया कमाई आउर जागिर कना कुछ नै हो । काकरु काकारु पह्रके फेन जिन्गी बरबाद हुगिल जैसिन लग्ना । सायद नै पह्रटु टे डोसर काम कर्टु टे काम करेबेर फेन लाज नै लागत कमाई फेन चार गुणा ढेर , मने मनसे आझ मन कहटा काकरु ? काकरु ?
एक दिनके बात हो । दीपनगरके गोट्यार चन्द्र सत्गौंवा मोर बाबक्ठन सुक्खर डोकानम् आके कन,ै अपनेक् छावा एसएलसी पास हुगिल बटैं, जीवन वीमामे काम करहीं टे कागजपत्र ओ चारठो फोटो ओ एक हजार रुप्या पठाडेबी । बाबा महिन कहल् । मने मै मनैन्से बरेकम् बोल्ना गुम्मर मनै का कना हो ओम्हे फेन बीमा कर्ना मनै खोजट नेंग्ना मोर बशके बात नै हो जैसिन लागल, ओ हजार रुप्या काहे बेग्ना टमान कम्पनी भागल, ठागल अवस्थामे मै नै सेकम् कनु । बाबक् कमाई कट्ना खैना हो । इ मन एकदम कहे कि अपन कमाहीले जेडा नाही काँपी कलम किन्नासम् सेक्जाइट टे बरा मजा हुइना हो । अपन इच्छा अन्सार ना खाई ना लगाई पैना, विचारा बाबक् कमाहीमे कैसिक रजाइ कर्ना हो । एक बरसके बाद फेन गोट्यार चन्द्र जी घोंसडर्नै । नाही तालिम जेकर रलेसे फेन लेना मजा हो मने काम करुँ या ना करुँ कैह्के बाबासे एक हजार रुप्या माँगके ओ अपन आवश्यक कागजपत्र सब पठाडेनु ।
बिना तालिम लेहल बिना लाइसेन्स प्रमाणपत्रके कैसिक विमा कर्ठैै, बीमा कर्बो टे का का सुबिधा मिलठ ऊ फेन पटा नै रहे । एक दिन अचानक चन्द्र जी फोन करके घोडाघोडी बहुमुखी क्याम्पस आके चली कहाँ कहाँ वीमा कैना बा कहनै । हुँकार बात काटे नै सेक्के मै फेन कहनु चलि टे का, मने महिन पह्राई छुटना डर लागे । मने दुनु हाँठेम लड्डू नैमिलि कहिके एकदिनटे हो कहिके एक्के मोटर साइकलमन गाँऊ चलडेठी । अपन साइकल उहे क्याम्पसमन छोरके । जत्तिके सुरुमन चौमलान आजा रमैकठन जाके वइने वीमक गफ कर्ठै उहे मोरलग तलिम रहे । विचारा आजा मोर बचन काटे नैसेकके छोटमोट पचास हजारके बीमा कर्ठै । करिब २ घण्टम २ ठो बीमा बनाढरठी । साझ हुजाइठ मोर साइकल क्याम्पसेमन रलेकमारे जल्डि जल्डि आजैठी ओ वइने महिन कठै अपनेक २ घण्टक कमाइ २००० हुइल ऊ फेन जम्मा अमनेक खातम आइ विओ के बैंकमन जल्डी खाता खोल्बी कठै मै खेल्वारे सम्झठु काहेकी मनै दिनभर काम कर्ठै २०० कमाइ मै २ घण्म २००० मने जत्तिक जब खातम आजाइटटे मै छक्क परलरठु । महिन वीमक योजना ओ फुर्सदके समयमन सदुपयोगी अवसरसे बरा प्रभाबित बनजिठु । अब सपनाके फेन वीमा जागके फेन वीमा सब वीमा नजार आइलग्ना । राम रमैया से मनैन पटाइ सिखेलग्नु , मनैनसे फल्टुसेफेन आवश्यक किल गफ कर्ना जाटसे आझ जीन्गी वीमक दुट बनलहस लागे ।
वीमा वीमा जय हो वीमा अनिवार्य बचतके साथ साथै अपन जीवनके सहारा बनजिना , आझटे उमेरमे शक्तिबा हर, फरुवा खेलाडारब मने २० बरस पाछे यीहे बिमा सहारा बनि वतनाकिल कहाँ काम लागल बेला तुरुन्त रुपिया निकारे बनजाइट हमार नेपाल लाइफ मन ऊ फेन पैसा निकरलेसे खाता निघटना , अपने दुर्घटना वा कौनो कारणले चाहे आत्महत्या करलेसेफेन रुपिया मिल्ना कत्ना मजा जात्तिके हमार जैसिन काम करके खैनामनैन लाग बरा जरुरी जस्ते लागठ । मै अपनहे अपनहि पस्टो लागठ की एकचुटी पहिलहि बनलरटुटे सायद आउरधेर बनाइटु जन्ना मनैटे सब करसेकनै अब केकर करेजाउँ । बी बी सी मन सुनल अनुसार नेपालमन भरखर सात प्रतिशत बीमा हुइलबा काँहु । एकर मतलब बजार भारीबा । मने जहाँ नजर लगाके जैबो सब करले बिलगैठै । बीमाके अटनामजा योजना जब जन्नुटे बटबटवेटी बरा बटकहरहस लागेलागल । नाकहटिक एक्के महिनम करिब २६ ठो बीमा करडरनु ओ कम्पनि प्रमोसन करके व्यावसाय संयोजक बनाडेहल । अपनहस काम कर्ना बहुटजहन आग्रहफेन करडरनु नाकहटिक आझसम मोरटीममन मोटरसाइकल ओ स्कूटी करके करिब ६० से ८० जाने सम ओ कार झण्डै ७ – ८ जान पइना हुसेकलै । जात्तिक आझ बरा सनटुष्टि मिललजैसिन लागठ । काहेकी बाबक कमाइल १०० रुपयमसेफेन अपन १० रुपिया ज्यादा आनन्द डेहटा मनलागलचिज खाइ लगाइ ओ घुमे मिलटा ।
एकदिनिक बाटहो सुक्खरके मीना मिस अपन भाटुक बीमा करल करिब २ महिना सम सायद हुइलरहे बिचारक ५लाखके बीमा मन ४५००० जति रुपिया डारके खेलल व्याला अब जन्निक अपरेसन करेपर्ना अवस्थामन भारतके पिलिभित कना ठाँउ जैना हुजैठिन ।रहल पैसा बीमा हुगिल निकारे फेन निमिल्ना दुइयमहिनम । जबरजस्ति पैसाजोरजाम करके गैल व्याला विचारा हुँकार ट्रेन दुर्घट्नम मृत्यू हुजैठीन जात्तिक बनाइल कहानिहस लागठ । आझ विना अभिभावक रहल घर लर्कनके पह्रइ खर्च ओ घरअर्च बिचारी दिदीक जिम्मामन जाइठ । मने समयमन बीमा कर्लेक ओरसे वहाँहे करिब ११ लाख रुपिया मिलट जेम्ना आवश्यक पैसा लैके बाँकी रुपिया बिमैमन फेन अपन बीमा कर्ठी । वस्तहि ध.न.पा. ११ जुगेडा कना ठाँउमनफेन वीमाकर्लेक ४४ दिनमन अचानक पट्रीम सुटले विहानके निस्प्राण हुगैनै । विचारा मुनुवा रानाहे फेन ९४९९ रुपिया दैके करल बीमामन वहाक घरेकमनै रु. १ लाख ६ हजार पैसाडैगिल । वस्तहिँके कंन्चनपुरके एकठो भारीसाहु ढकाल आयल वाला ३० लाखके बिमा कर्लेक १ वर्ष विना पुगल हर्टअटेकके कारण मृत्यू हुगिल जौन हमार धनगढी हाकिमके कहाइ अनुसार विमा कम्पनिम आझ सम्मके सबसे भारी घटनाहो जहाँ हमार जि.एम. ओ सि.ओ. सर खुद हम्रे सँगे जाके वहाँक पहिवारहे पैसादेलि ।
आझ महिन लागठ मै बराभारी धरम कर्लेबटु । काहेकी एक पिडिट ठाँउमन किल सहयोग करेमिललबा भगवान जरुर दयाकरि सायद । जत्तिके नियम मुटाबिक झन अचकल विमा कम्पनि मनैनके इच्क्षा अनुसार वीमा खेले मिलना हुगिलबा व्याजफेन एकदम मजा बा अनि खालि समयके मजा सदुपयोक करेपैना ठाँउ बनके वीमा कम्पनि आइलबा । आझ विमा कर्ना हो चाहे अभिकर्ता बन्नाहो ९८५८४२३३६९ मन निःशुल्क जानकारीक लाग फोन कर्बी कहटि मैफेन बिदा हुइटु जयहो वीमा ,रामराम ।

हिरालाल सत्गाैँवा 

घाेराघाेरी नगरपालिका ३ सररहिया,कैलाली

इमेल satgauwa1213@gmail.com

हिरगर साहित्यक बगाल संस्थापक अध्यक्ष

 

nlic