ठारूनके आन्डोलन हे सरकार नाई टेरल

ठारुन आन्डोलन करट ढुप हास घममे काठमन्डोमे

बैठके सरकार रम्ट हेरल ठारूनके अगुवा हेन

गलट मुद्दा लगाके तराईके ठारून भवकाल सरकार रम्टा हेरल

यहाँके के हुईट ठारू नाई चिनहल सरकार

पहिला मालपोठके नाउमे घर जग्गा छिनाल

आब छिने खोज्टा सब ठारूनके अढिकार

जबसे जाने जुकुर हुईनु टे मै डेख्ठु यहा सोसक हुकन

बनल सरकार सारा नेपाली एक हई

टबुफे बा जाट–जाटके छुवा–छुट कहे ?

सै फुला एक झोफा कलेसे फे

किहु“ काखा किहु“ पाखा कैके सरा डेस खाई खोज्ट

बहुन सरकार हेपना सम हेपल डलिट किहु“ ठारूमधेसी कैके

कब सम चली असिके नेपाल सरकार टोर

मै फे ठारू हुलक गर्व करठु टबे पुँछटु

भाडो आठ् गटेके कहा“ नुकैले डा“कान व चोर

केउ भर बीस जने खुसीयाली मनए केउ भर बीस हजार जने दुखीके आँस बहए

जबर्जस्टी सरकार बीस हजार जनटनके आँस रोके खोजल

अब सरकार खुड् अपनाही बनल भागीडर

एहे निहु पारके कारखु मै फे ठारूनके घर डुकान जरैना व चोरैनामे बनल

चौकीडार नाडरैँ ठारू अघुवा हक्रे हम्रेफे जनटा पलि बटी

हेरटी कहाँ सम लगाईठ् ठारून गलट मुद्दा

आब ठारू जाग्गील बटी नाई छोरब कहटु

जरमल यी माटीक कसम खाके कहटु

ठारूहट पहिचान ठारूहट प्रडेशहे नाई छोरब कैके कहटु जय ठारूहट

रामचरण कुश्मी (अजराईल) टीकापुर,कैलाली 9848657618