डलाली हुइटामने किसाननके लाग बजारमन डीजल नैहो ।
फुरेसे कहुँटे भ्रष्ट नेटनके कमरा अभिन यहाँ भीजल नैहो ।
आन्दोलन, भुँइचालके खाटि अभिन मजासे चोखाइल कहाँ बा ?
अनारीहस लागल महिन यइनके डिमाक अभिन सीजल नैहो ।
हमार देशके हाल कासे काहुगिल यी ठेक्डारीनके झग्गरकिल ,
अनारी लागट डेख्के अभिन मजासे डीमाक यइनके रीजल नैहो ।
कुन देह कुन जमाना युग बडलके करोट लैके आँग लैसेकल ,
मनो हमार नेता कहुइयनके इज्जत अभिन लाजले खिजल नैहो ।
हिरालाल सत्गाैँवा
घाे.न.पा.३,सर्रहिया,कैलाली
मनके सब बाट टुहिन बटाइ नैसेक्नु ।
फेनु अपन मनसे टुहि हटाइ नैसेक्नु ।
बारम्बार जब याड सटाइ लागठो टुँ ,
टब टुहिन फोन करके सटाइ नैसेक्नु ।
यडी आझ नै लरम टे काल्ह केडोसि ?
खै फेन मनमे सहास जुटाइ नैसेक्नु ।
यी स्वार्थी दुनिया फाइडा किल हेरठ ,
बस चोखो मनसे काहे पटाइ नैसेक्नु ?
हिरालाल सत्गाैँवा
घाे.न.पा.३,सर्रहिया,कैलाली
