कृष्णापुर ८ मजगर्इ गाँउमान पहिलबार साँस्कृतीक अाे साहित्यिक काार्यक्रम

कृष्णापुर ८ मजगर्इ गाँउमान पहिलबार साँस्कृतीक अाे साहित्यिक काार्यक्रम

हिरगर सम्वाददाता
कृष्णपुर, मजगई, २ माघ
आदिवासी जनजाती समन्वय समिति ओ मजगै भलमन्सा समाज कृष्णपुर ८, के संयुक्त आयोजनम माघि बिशेष साँस्कृतिक कार्यक्रम उसरल बा ।

माघीक उप्लक्ष्यम हुइल माघी बिशेष साँस्कृतिक कार्यक्रम कृष्णपुर ८, मजगै, कंन्चनपुरके खेल मैदानेम सम्पन्न हुइलबा । थारुनके कला संस्कृति संरक्षण ओ पहिचानके लाग युवावर्गनके अभियान कना मूल नारा सहित कार्यक्रम सफलताके साथ ऊ गाँउमन यी पहिल कार्यक्रमके सफलताके साथ सम्पन्न हुइलबा । कार्यक्रम मन थारु चर्चित गायक गायीका ओ तमानेन स्थानीय कलाकारनके प्रस्तुती ते वस्तहीके तमानेक साहित्यकार, नेतागण माननियन वहाँ आके सभामन आसन ग्रहण कैले रहैँ । हिरगर साहित्यिक बगालके केन्द्रीय कोषाध्यक्ष गंगाराम डगौरा, साहित्यकार सागर कुश्मीक गजल ओ यूनियन लाइफ इन्स्योरेन्स कं.लि. धनगढी शाखा प्रमुख तथा हिरगर बगालके केन्द्रीय अध्यक्ष अपन मुक्तक ओ जीवन बीमा के आवश्यक रहलबात बतैनै कलेसे रोशन रत्गैँया ओ समिक्षा चौधरीक मीठास धुनमे सक्कु दर्शकनके मन छुके फुद्रुक फुद्रुक नँचाइ पुगल रहै । तमानेक नेतन यहाँके समस्या, चुनौती ओ अवसरके बात बतवैनैँ । उक्त कार्यक्रम मन अपन कला ओ सहभागी जनाके उक्त कार्यक्रम मन सहयोग पुगुइयन कदर पत्रसे सम्मान कर्ले रहैँ ।

फुलपाती चौधरीके अध्यक्षतामन बर्का पहुना महेश दत्त जोशी रहैँ कलेसे कार्यक्रम संचालन सुमित रत्गैया ओ संगीता चौधरी कर्ले रहैँ ।