हिरगर संवाददाता पुस १३,
जोशिपुर ७,जोशिपुर बजार मन पहिलबार पुस ८ से पुस १५ सम चल्लना साँस्कृतिक महोत्सब ५ दिन भव्यताके साठ चल्टि अाइटा ।भासा, कला, साहित्य र सँस्कृतिक प्रदर्शन , दिगो शान्तिका लागि समुदायिक पहिचान । कना मुल नाराक सगं पहिलबार यहाँ महोत्सब हुना हुइल बा ।
इ ठाँँउक थारुन के लोप हुइतिरहल भाषा, कला, साहित्यके बिकाशके लाग ओ यहाँक व्यापारके प्रबर्द्धनके लाग यी महोत्सब के खास रना महोत्सब के संयोजक सुरज चौधरी बतैलैं । महोत्सब के आकर्सन मन थारु परिकार, हिरोल्ना, कालाजादु, मौतकुँवा ओ खुल्ला मनंके स्टेजमन बहुत कलाकार,साहित्यकार, गायककार, मोडेल वैनके उपस्थिति बा । १ हप्तासम चल्ल्ना महोत्सब मन टिकत सिस्तम बा तभुन भिरभार बिल्गथ । स्थानीय क्लब स्वायम सेवक्के काम कर्ती बा । काल्ह १३ गते विशेष प्रस्तुती हुइना अवसर जुटलबा कहिके अायाेजक समिती हिरगर साहित्य डटकम हे जानकारी करैले बा ।
काल्हीक अाकर्षणमन काठमाडुक रास्ट्रीय टाेली तहल्का मचाुइया बाटैँ अविइयम गायक सुरज पाैड्यल, विजय राना, खेम चाैधरी, समिक्षा चाैधरी, मनिराम चाेधरी अाे दर्पणा कुसुम्या, कलाकारमन एन्जल श्रेष्ठ, विकास राना, निशा घिमिरे, सुनिता दहित,नाँचमन लककरके हाेरी नाँच, स्थानीय कलाकार प्रतिभा कला केन्द्रके नाँच सँगे मुन्टम गलास ढारके अाेकर उप्पर ९ गगरी ढारके अाे १३ गगरी कपन्डम ढारके नाँच डेखैना कार्यक्रमफेन बा
बच्चनसे लैके बुह्राइल, जवान सबके बखरा पुगना मेराइक खानपान, नाँचगान, बच्चन सुफलैना खेल, काला जाडु यकर ठप अाकर्नके कारन डिनानुिडन फुर्सटमन समय बिटाइ अाे मनाेरन्जन लेहे दर्शकनके भिर बहरटी जैटि रहल अायाेजक के डाबी बा । अाज सम्म मजा से चल्टी अाइल अाे अपन उदेश्य पुरा हुइनामन अायाेजक विश्वस्त रहल अायाेजक जनैले बा ।
