टीकापुर बहुमुखि क्याम्पसमन थारु साहित्यिक गतिबिधि सुरु

हिरगर संवाददाता,
टीकापुर, १७ बैशाख
हिरगर साहित्यिक बगाल टीकापुर बहुमुखि क्याम्पस शाखा अबखरिक साहित्यिक क्रियाकलाप सुरुवात करलेबा । हिरगर साहित्यिक बगालके यी १६ शाखक रुपमन रहल क्याम्पसके यी पहिल साहित्यिक शाखा हिरगरके हुइस । भरखर जलम पाइल यी शाखक यी दोस्रो भाग पुगैलेबा । सुमा चौधरीके अध्ययक्षतामन बैठल यी भागमन सचिव आत्मा कुश्मी संचालन कर्लेरहि । यकर साथ साथे क्याम्पसके सेकेण्ड ओ थर्ड इयरके संघरियनके सहभागिता हुइलरहे । अगामि बैठना जेठके पहिल शुखके दिन रचना सबजाने तयारी करके ऐना बचन फेन संघरियन डेलेबटैँ । सुमा जी अब अपन क्याम्पसमन साहित्यक विद्यार्थी रहिके अब नेपाली साहित्य सँग सँगे अपन थारु साहित्यक गतिबिधिहे हे फेन निरन्तरतादेना जनैली । अस्तेके अबखर बहुटजल्डी वहाँक सचिव आत्मा कुश्मी किताब फेन प्रकाशन नन्ना कहिके बचनफेन डेलेबटि । ऊ बैठकसे नियमित अबसे यी कामहे निरन्तरता देना , साहित्यहे हराभरापर्ना काम कर्ना , मासिक लेवि उठैना, लगायतके बहुट निर्णय कर्लेबा ।