फगुइ मिलन कार्यक्रम सम्पन्न

फगुइ मिलन कार्यक्रम सम्पन्न

हिरगर सम्वाददाता
धनगढी, ११, चैत

    हिरगर साहित्यिक बगाल यसपालिक फगुइ मिलन कार्यक्रम आझ अत्तरियामन समापन कर्लेबा । हिरगर साहित्यिक बगालके आयोजनामन करल उ कार्यक्रम आझ दुइ दिन धनगढी ओ अत्तरिया करके आझ अत्तरियामन समापन कर्लेबा । करिब ३५ से ४० जहनके सहभागितम उ कार्यक्रम कर्लेबा । परम्परासे चल्तीआइल चालचलन बँचैना अभियान स्वरुप पुरान पुर्खा वइनके बलाके सक्रिय सहभागिता कराइलरहे । वस्तहिके अत्तरिया दहित टोलके सक्रिय सहभागितासे विशेष सहयोग मिललरहे । वस्तहिके कंनचनपुरसे ओ कैलालीक कुछ साहित्यकारनके सहभागिता हुइलरहे । सुमित रत्गैँया, गंगाराम डगाैँरा, रामु कुश्मी, कंचनपुरसे सहभागिता जनैले रहै ते सागर कुश्मी, हिरालाल सत्गाैँवा, प्रेमा चाैधरी, असिराम डगाैँरा, लगायत पहुराके लखनचाैधरी, थारूनके डटकमसे बालकृष्न चाैधरी ते फिल्मी दुिनयाके चांद चाैधरी लगायतके बहुत्ते जहनके सहभागितारहे । वस्तहिँके लिक्मासे ओ मत्कौना  गाँउसे डफ, मंडरा ओ सात जाने कलाकार पुरान पुर्खा गायक कलाकारनके सहभागिता हुइलरहे । कार्यक्रम सफल बनाइक लाग धनगढी सदभावना टोलके फोनी राम चौधरी अपन जिप दैके ओ अत्तरियाके दहितान टोलके मान बहादुर चौधरी अपन टेक्टर दैके सहयोग कर्ले रहै । करिब दुइ दिनमन फगुइ कार्यक्रम ३०, ३५ घर सम पहरगिल । फाग पहरनासे पहिले हिरगर साहित्यिक बगाल सक्कुघर पत्र पठैले रहे । हमार कार्यक्रममन थारु सभासद भानुराम थारु, मालामति राना, वस्तहिके थरुहट थारुवानके प्रबक्ता माधव चौधरी, ठाकुर प्रसाद करिया प्रधान, माहाविर चौधरी, इन्दु लगायत नेपाल लाइफके चन्द्र सिँह सत्गौँवा नाँचके हमारसँग फोटो खिचाके रमैती हमार सँस्कार बँचैति रलकमन हिरगर बगालहे धन्यबाद देति ओ उठल बजेट मजाठाँउमन प्रयोग कर्बि कना सुझावफेन देनै । हिरगर साहित्यिक बगाल अपनठन अभिन बजेटनैहुके बहुट काम करेनैसेकल अवस्थम फेन दफ ओ मंदरा ओ पुरान गित गैना पुर्खन देहारि दैके कार्यक्रम मन बलैले रहे ।