सत्गौँवा समाजके तिसरा जिल्ला अधिवेशन यीहे २४,२५ बनकट्टा कैलालीम हुइना ।

सत्गौँवा समाजके तिसरा जिल्ला अधिवेशन यीहे २४,२५ बनकट्टा कैलालीम हुइना ।

हिरगर संवाददाता,
२१ वैशाख,
                  सत्गौँवा समाज कैलाली जिल्लाके अबखरिक तिसरा जिल्ला अधिवेशन यीहे बैशाखेक २४ओ २५ गते गदरिया ३ बनकट्टा कैललीम हुइना हुइलबा । यीहिनसे पहिले चाँगाबाणी ओ साँढेपानीम हुसेकल बा । शंकर सत्गौँवा के अध्ययक्षता रहल आज सम्म धेरदिन पाछे यी अधिबेशन बलाइलहो । पुरान समिति अलिक निस्कृय रहल कति ओ अभिन सम अधिबेशन हुइ नैसेकल कहिके सक्कु गोत्यारलोग माग करल पाछे अबखरिक यी अधिबेशन कैलाली जिल्लाके धनगढीक लग्गे रहल यी गदरिया ३ बनकटटामन हुइनाहुइलबा । अबखरिक हुइना अधिबेशन कुछ खास रना कहिके अनुमान फेन करगिलबा । देशके तत्कालिन अवश्था, वस्तहिँके घेरीघोरा मन्दिरमन बनागिल भरखरिक सत्गौँवनके मन्दिरहे कैसिक पुर्णता ओ का देँउता धरना कना लगायत नयाँ ओ जुझारु कार्य समिति आइना कहिके धेर अस्रा करगिलबा । प्रचार प्रचार समितिक अनुसार अबखरिक सम्मेलनमन धेरसे धेर सत्गौँवनके सहभागितारना ओ पहुनक रुपमन दाङ्ग से लैके कंञ्चनपुर सम्मके गोत्यार ऐना जनैलेबा । वस्तहिँके साहित्यकार, गायककार अनि मेरमेराइक गीतके नाँचके प्रस्तुतीरना जनागिलबा । करिब करिब तयारीफेन अन्तीम चरनसम पुगसेकल कहिके अायाेजकलाेगनसे जानकारी हुइलबा ।