सत्गौँवा समाज के तीस्रा जिल्ला अधिवेशन सुरु

सत्गौँवा समाज के तीस्रा जिल्ला अधिवेशन सुरु

हिरगर संवाददाता,
गदरिया, २४ बैशाख

सत्गौँवा समाजके तीस्रा जिल्ला अधिवेशन अवखरिक गदरिया ३ बनकट्टा कैलालीमन सुरु हुइलबा । तीस्रा अधिवेशनके घरगोसियाके आसनमन शंकर सत्गौँवा रहै टे बर्का पहुना लेखा तथा कोष नियन्त्रणके कार्यलय प्रमुख दाङ्ग देउखरसे श्री शिव प्रसाद सत्गौँवा, विशेष अतिथिक रुपमन दाङ्ग देउखरसे श्री मान प्रसाद सत्गौँवा ,अस्तहिके कर्कट सत्गौँवा, शिवहरि सत्गौँवा, लगायत सत्गौँवा समाजके जिल्ला सल्लाहकार आशाराम ओ भागिराम सत्गौँवा लगायत बुद्धिजिवि, पत्रकार समाजसेवी लगायत जिल्लाभरिक उपशाखासे बर्दिया,कैलाली, कंञ्चनपुर से सहभागिता बा ।

 

satgauwa

 

२०७३ बैशाख २४ ओ २५ गते चल्ना यी जिल्ला अधिवेशन गदरिया ३ बनकट्टा कैलालीमन हुइटिबा । दुइ दिन चल्ना यी अधिबेशनमन पहिल दिनिक कार्यक्रम मन हर हिँसाब हुइना, खोज्नी बोज्नी हुइना सँग सँग्गे सत्गौँवनके बारेम जानकार करैना , अपन देउँटा ,दर्शनके बारेम बहस , रीति सँस्कारके बारेम छलफल, सँगे देशराज सत्गौँवा के गीत हिरगर बगालके केन्द्रिय अध्ययक्षसे मन्तव्य ओ साहित्यक रचना बाचन हुइल । सत्गौँवनके बंशवाली पत्ता लगैना, नयाँ समिति चयन कर्ना, सत्गौँवा समाजके गतिबिधि मजा ओ सकृय बनैना , कमजोर ओ पिछरल गोत्यारीन सहयोग सहकार्य कर्ना, सब गोत्यार एक ढिक्का एकिकृत हुइना, अपन कुविचार कुसँस्कार छोर्ना कना बहुत गतिबिधि कर्ना ओ कर्तिरहल जनैलै । साथ साथमन सत्गौँवा समाजके जिल्ला कैलालीक पहलमन पर्यटकिय ठाँउ घोरीघोरा मन सत्गौँवनके मन्दिरमन भरखर सिरजके बारेम का देउँटा धर्ना कना बाटफेन स्थान पायल रहे । बर्का पहुना के मन्तव्यमन सत्गौँवनके सत्गौँवा नाम कैसिक परल , सत्गौँवा काहे कहगिल , सत्गौँवनके गरिमामय मजाकाम इतिहासके बारेम ओ देवि दुर्गनके बारेम ओ अझुक अवस्ठाके बारेम चिन्तन ओ हुइपर्ना काम डगर देखैति अपन दाँगेक गतिविधि सँट्टी यहाँक सत्गौँवनसँग निरन्तर साथमन रना बचन देलैँ ।