सर्वहारी पुरस्कृत

सर्वहारी पुरस्कृत

काठमाडौ

थारु भाषा साहित्यमे योगदान पुगैलक कहिके थारु लेखक संघके अध्यक्ष कृष्णराज सर्वहारी अस्वीकृत बिचार साहित्य पुरस्कारसे पुरस्कृत हुइल बटाँ । बैशाख ११ गते साफ फाल्चा, काठमाडौमे वरिष्ठ संस्कृतिवीद सत्यमोहन जोशीसे डेगैल । पुरस्कार रकम १२ हजार रुपैयासहित सम्मान पत्र बा ।
अस्वीकृत बिचार साहित्य पुरस्कार गुठीके संस्थापक डा. कविताराम श्रेष्ठ २०६६ सालसे विविधकारणबश डेहे नैसेक्गैल पुरस्कार  एकफाले असौं ७ जन्हन डेगैल बटैलाँ ।

 

Asikri Bichar Prize (2)

सर्वहारीक् फुटल करम (थारू भाषाक् पहिला उपन्यास २०५५), दोसर घर जाइबेर (थारू भाषाक् पहिला मुक्तक संग्रह २०५६), समयका उच्छबासहरू (थारू नेपाली पहिला हाइकु संग्रह २०५९), मामा भान्जा (थारू भाषाक् पहिला लोककथा संग्रह २०६०), थारू लोककथा–१ (२०६७), ढों ढों पों पों (थारू भाषक् पहिला हाँस्य ब्यग्ंय सगं्रह २०६८), थारू भाषा सिकौं (२०६८, सहलेखन), थारु गुरुवा र मंत्र ज्ञान (२०७०), कमैया बस्तीमे  भगन्वा (२०७२) लगायत पोष्टा प्रकाशित बटिन । ओस्टक बालपोष्टामे सुख्ली (थारू भाषक् पहिला बालकथा संग्रह, २०६२), जोन्हू मामा (थारू भाषक् पहिला बालकविता संग्रह, २०६३) ओ २०६६ सालमे हर जोत्ना मछरिया, अनारकलीके अन्तरकथा, तुलारामके चर्तिकला, सत्तलसिंहके कथा सचित्रमय कथा प्रकाशित बटिन । हुँकार नेपाली भाषामे मुक्त कमैयामे आधारित गन्तव्य उपन्यास लगायत कक्षा १ से ५ समके थारू भाषाके पाठ्यपुस्तक फेन प्रकाशित बटिन ।
सर्वहारी क्षेत्रीय प्रतिभा पुरस्कार (२०६७), साझा लोकसाहित्य पुरस्कार (२०६७), राष्ट्र मातृभाषा सेवा पुरस्कार (२०६९) लगायतसे पुरस्कृत बटाँ ।