हिरगर समाचारदाता
धनगढी, कात्तिक
सबके मन मस्टीष्क मे जमानासे छाँइल गीतहाे ‘लेहंगा फरियम डेख्ठु टुहि…’
गायक राजु चौधरी (राज) के दुई दशक पहिले रेकर्ड करल एल्बम सोला सिंगारके ‘लेहंगा फरियम डेख्ठु टुहि…’ कना गीतके म्युजिक भिडियो सार्वजनिक सँग सँगे अब्बा चर्चामन बहुल अाइल बा ।
म्युजिक भिडियोसुलभ फिल्म प्रालि युटुव च्यानलसे सार्वजानिक हुइल बा । कैलारी गाउँपालिक–२, बसौती गाउँमे छायांकन करल म्युजिक भिडियोमे थारु मेघा स्तार नायक संगत थारु ओ बिरा फिल्म के नायिका समु चौधरीके संगे गायक राजु चौधरी(राज) स्वयम्फे अभिनय करले बटै ।
गायक राजु चौधरी ‘राज’ बहुचर्चित यी गीत उहाँ ड्रीम प्रोजेक्ट रहल उहाँ बटैलै । यी म्युजिक भिडियोमे थारु मुङग्रहुवा नाँच ओ सखिया नाँचफे डेखाइल बा । यी म्युजिक भिडियोहे निर्देशक सुधराम दहित निर्देशन करले बटै कलेसे कोरियो ग्राफी आदर्श महतो छायांकन सम्पादन दयाशंकर चौधरी करले बटै ।
यी गीतमे शब्द राजु रत्गैया के बा कलेसे स्वर राजु चौधरी (राज) ओ प्रमिला चौधरीके बा ।
पुरा भिडियाे लक https://youtu.be/9fmZmjHQyio
