टिकापुर टिकाइल

टिकापुर टिकाइल

हिरगर संवाददाता,
टीकापुर, ८ चैत,
    हिरगर साहित्यिक बगाल टिकापुर शाखा अबखरिक साहित्यिक भाग टिकापुरमन कर्ना कहिके मिति टिकैलेबा । आझुक बैठकमन टिकापु।के शाखाके अध्यक्ष अंकर चौधरी के अध्यक्षतामन बैठल बैठकसे यी महिनक २९ गते लावा बरषके शुभकामना आदन प्रदान ओ साहित्यि भाग अपन सुन्दर नगरिम आयोजना करलेबा । साँस्कृतिक,साहित्यिक ओ अन्य जिल्लाकेफेन साहित्यकारन सहभागि करैना कति केन्द्रहे जानकारी करैले ओ सहयोग माग करलेबा । यकर सँग सँगे मासिक लेवि उठैना ओ प्रत्येक महिनक पहिल शनिवारके दिन अब टिकापुरमनफेन साहित्यिक गतिबिधि बह्रैना समिति निर्णय कर्लेबा । वस्तहिंके हिरगरबगालके सदस्यता बह्रैनाफेन लक्ष्य ढरलेबा । आजुक बैठकमन कार्यक्रम संचालन सचिव महेश चौधरी कर्ले रहैं ते कार्य समितिम एकजाने बाहेक सक्कु पदाधिकारिनके सकृय उपस्थिति रहे । टिकापुरमन साहित्यक गतिबिधि कमरहल अवस्थम यहाँ कर्ना आवाश्यताबा कहति उपाध्यक्ष बसन्ति चौधरी कलि । ते वस्तहिके अर्थिकबिना कौनो काम करेनैसेक्ना हुइलेकमारे सदस्यविस्तार ओ मासिक लेविके आवश्यक रहलबात टिकापुर शाखक कोषाध्यक्ष रीता बटैली । अब टिकापुरमनफेन यिहे महिनक २९ गते शुभकामना आदनप्रदान कार्यक्रम टिकाइल टे वस्तहिके नियमित साहित्यिक कार्यक्रम हुइना हुइबा ।