हिरगर बगाल घरीघोरा नगरपालिकम शाखा विस्तार

हिरगर बगाल घरीघोरा नगरपालिकम शाखा विस्तार

हिरगर संवाददाता,
घोराघरी नगरपालिका, २९, असार
          हिरगर साहित्यिक बगाल घोराघरी नगरपालिका मन थप एक शाखा हुइलबा । घोराघरी नगरपालिका १०, रामपुर गाँउ कमिटि मन आझ मिति २०७३ असारके २९ गतेक दिन ११ सदस्यि कमिटि गठन हुइलबा । करिब ५६ जहनके उपस्थिति रहल फुटबल खेल मैदानमन जुटहुला हुइल भेलासे ११ जहन चयन करलेबा । अध्यक्षमन राम दुलार दहित क, उपाध्यक्षमन पार्वती चौधरी, सचिवमन अपरेश चौधरी, सहसचिवमन राम दुलार चौधरी ख, कोषाध्यक्षमन शुशिला चौधरी ओ सदस्यमन क्रमश ः प्रमोद चौधरी, मिलन चौधरी, मंगल चौधरी, दिनेश चौधरी, आशा चौधरी ओ मेनुका चौधरी बाटै । यी हिरगर साहित्यिक बगालके १९ औ शाखक रुपमन स्थान पाइल । शाखा बिस्तारके क्रममन हिरगर बगालके केन्द्रिय अध्यक्ष हिरालाल सत्गौंवा ओ मोहराइन सफ्टवयर कंम्पनीके अध्यक्ष राम प्रसाद चौधरी ओ गाँउक बुद्धिजिवि लगायत बहुत्तेक युवनके उपस्थिति रहे । कार्य समितिके नव चयन हुइल अध्यक्षफेन अपन कार्य कालमन यी हिरगर बगालहे नियमित रुपसे संचालन कर्ना नियमित बैठक प्रत्येक महिनक वैठक बैठना ओ अपन भाषा साहित्य मन सक्दो उचाइ पुगैना काम कर्ना बचन ओ प्रतिबद्धता देनै । कार्यक्रम मन हिरगके केन्द्रिय अध्यक्ष हिरालाल सत्गौंवा समितिहे आझसे एक्के कोन्टिक हुइल कहटि खुशि व्यक्त सँगे थारुनके अइति रहल हरेरिक शुभकामना ओ कार्य सफलताके शुभकामनाफेन देनै । ओ बाट थप्टि बहरटिरहल बिकाशके गति सँगे  बिदेशि फेसन चालचलन हमार समाजमन ठाह्रे देरा जमासेकलबा मने हमार सक्कु भाषा, साहित्य, गितबाँसके जागेर्ना कर्ना हमार कन्ढम रहल कटि नेपालके पहिल थारु साहित्यिक वैवके फेन आवश्यकता सँगे जलम देटि आघे नेगल जानकारी करलैँ । ओ सँगे बाट जोरटि हमार गाँउक पँजरे होम स्टेय गाँउ माघिमन जहाँ सम थारु साहित्यिक मेला भाग २ हुइना सम्भावना धेर रहल ओ सबजे मिलके कार्यक्रम सफल पारेपरल कना अर्जिफेन कर्लैँ ।

IMG_20160713_181747

कार्यक्रम संचालन वहैँक राम दुलार चौधरी कर्ले रहैटे घरगोसियामन सिताराम चौधरी बर्का पहुना हिरगर बगालके केन्द्रिय अध्यक्ष हिरालाल सत्गौँवा, खास पहुना  मोहराइनके अध्यक्ष राम प्रसाद चौधरी लगायत ५६ जहनके उपस्थिति रहे ।