हिरगर बगाल टिकापुर वहुमुखिम विस्तार

हिरगर बगाल टिकापुर वहुमुखिम विस्तार

हिरगर संवाददाता,
टीकापुर, २२, चैत
    हिरगर साहित्यिक बगाल टिकापुर शाखा मन थप एक शाखा हुइलबा । टिकापुर बहुमुखि क्याम्पस इकाइ कमिटि मन आझ मिति २०७२ चैतके २२ गतेक दिन ९ सदस्यि कमिटि गठन हुइलबा । करिब ५६ जहनके उपस्थिति रहल विद्यार्थीनके भेलामनसे नौ जहन चयन करलेबा ।

12966673_1705174826438450_1480027259_n

अध्यक्षमन सुमा चौधरी, उपाध्यक्षमन बालकृष्ण चौधरी, सचिवमन आत्मा चौधरी, सहसचिवमन सविना कठरिया, कोषाध्यक्षमन अर्चना चौधरी ओ सदस्यमन क्रमशः शिव प्रसाद, रामप्रसाद, शोभा, सरस्वती चौधरी बाटै । यी हिरगर साहित्यिक बगालके १६ औ शाखक रुपमन स्थान पाइल । शाखा बिस्तारके क्रममन हिरगर बगालके केन्द्रिय अध्यक्ष हिरालाल सत्गौंवा ओ टिकापुर शाखक हिरगर बगालके अध्यक्ष अंकर चौधरी ओ टिकापुर हिरगर बगालके सचिव महेश चौधरी ओ थारु विद्यार्थी समाजके टिकापुर बहुमुखि क्याम्पसके अध्यक्ष तेजराम चौधरी ओ प्रध्यापक तिलक देव गिरी के उपस्थिति रहे । कार्यक्रम मन हिरगरके टिकापुर कमिटिक सल्लाहकार तथा था.वि.स. अध्यक्ष  तेजराम चौधरी हम्रे साहित्यके विद्यार्थी हुकेफेन आब अपन भाषा साहित्यमन कलम चलैना जरुरी बटैनै । नयाँ बर्षक ओ कार्यसफलताके शुभकामना देटि आइपरल हर समस्यामन हिरगरहे साथसहयोग देना बचन देनै ।  कार्य समितिके नव चयन हुइल अध्यक्षफेन अपन कार्य कालमन यी हिरगर बगालहे नियमित रुपसे संचालन कर्ना नियमित बैठक प्रत्येक महिनक पहिल शुक्रबार वैठक बैठना ओ अपन भाषा साहित्य मन सक्दो उचाइ पुगैना काम कर्ना बचन ओ प्रतिबद्धता देनै । कार्यक्रम मन फाइल हस्तान्तरण कर्टि हिरगके केन्द्रिय अध्यक्ष हिरालाल सत्गौंवा मुक्तकसे ओरवा उघरटि नव समितिहे आझसे एक्के कोन्टिक हुइल कहटि खुशि व्यक्त सँगे लावा बरषके शुभकामना ओ कार्य सफलताके शुभकामनाफेन देनै । बहरटिरहल बिकाशके गति सँगे  बिदेशि फेसन चालचलन हमार समाजमन ठाह्रे देरा जमासेकलबा मने हमार सक्कु भाषा, साहित्य, गितबाँसके जागेर्ना कर्ना हमार कन्ढम रहल कटि नेपालके पहिल थारु साहित्यिक वैवके फेन आवश्यकता सँगे जलम देटि आघे नेगल जानकारी करलैँ ।

 

12939192_1705174969771769_141611748_n

              कार्यक्रमहे मिठास थप्टी साहित्यकार अंकर चौधरी मुक्तक बाचन फेन कर्लेरहैं । वस्तहिके अपन रचना सुनैनम चक्र रावल, संगिता विष्ट, ओ अन्य  संघरियनके सहभागि हुइल रहे । कार्यक्रम संचालन टिकापुर शाखाके सचिव महेश चौधरी कर्ले रहैटे घरगोसियामन तेजराम चौधरी बर्का पहुना हिरालाल सत्गौँवा लगायत ५६ जहनके उपस्थिति रहे ।