हिरगरके लोभलग्टीक काम

हिरगरके लोभलग्टीक काम

हिरगर सम्वाददाता
धनगढी १२ बैशाख ।

 

हिरगर साहित्यिक बगाल समाजमन टमान मेराइक सीप तथा रोजगार मुलक काम सम्पन्न करलेबा । ३ महिने हाते कढाइ तालिम धनगढी स्थित अपन हिरगर बगालके अफिसमन खानपानके साथ सम्पन्न कर्लेबा ।

 

आझ यूवा पिँढी बेरोजगार ओ विदेश पलायत हुइटि रहल देख्के दुःखेसो हमार समाजमन रहल अवस्थम हिरगर बगाल कुछ हदसम तीन महिने हाते कढाइ दैके अपन घरही बैठके आब लाखौँक आम्दानी करे सेकना हिरगर बगालके अध्यक्ष हिरा लाल सत्गौँवा बटैनै । वस्तहिके हिरगर बगालके दुस्रा कार्यक्रम फेन हमरे कृषी प्रधान देशके नागरीक हुइलेक कारण घोडाघोडी ५ सरैया गाँउमन फेन बेमौसमी तरकारी खेती सम्पन्न हुइलबा । करीब तीस जहनके सहभागीता रहल ऊ तालिम पाछे आत्मनिरभर बने सेकना ओ पहिलेसे कुछ नयाँ तरिका लगाके पहिलेक तुलनम अब कुछ ज्याडा आम्दानी ओ प्रतिफल निकारे सेकहि कना उद्देश्य लेहलबा । वस्तहिके टिकापुरमन जे टि ए तालिम ओ नेतृत्व विकाशके तालिम कैसेकल ओ सक्कुहुन प्रमानपत्र वितरण करसेकल बा । यी जम्मु कार्यक्रम निः शुल्क हुइलबा ।

निर्वाचन क्षेत्र विकाश कोससे सहयोग पाके यी कार्यक्रम हिरगर बगाल करल हो । हिरगर बगालके अन्तिम किस्ता अइना बाँकी रहलेसे फेन हिरगर बगाल अपन काम सम्पन्न करसेकल कहिके हिरगर के अध्यक्ष हिरगर डट कम हे जनैले बाटैँ । अस्तहिके अइना डिनम फेन अपन हिरगर बगालके सदस्यन तमान मेराइक कार्यक्रम मन सहभागि कराके नेतृत्व विकास कैना ओ समाजमन स्थापित व्यक्ति बनैना ओ हमार समाजहे सुसभ्य बनैना मन प्रयत्नरत रही ओ साहित्य कला मार्फत ओ यी विषयम अग्रसर फेन कर्ना ओ यी मेराइक गतिविधि कर्ति आइल बा ओ कर्तिरना प्रतिबद्धता फेन हिरगर जनैले बा ।

 

यीहिन से पहिले फेन हिरगर बगाल बर्षाम बियार गलैना, नियमित साहित्यक कार्यक्रम कर्ना, मेरमेराइक तालिम करसेलबा । वस्तहीके बरवार बरवार महेात्सब सँस्कृती बँचैना कटघेारीक नाँच फेन स्थापीत करके रामपुर शाखक जीम्मा लगासेकलबा । 

हिरगर साहित्यिक बगालके नियमित साहित्यिक भागके यात्रा