हिरगर साहित्यिक बगालसे डशिया डेवारीके शुभकामना आदानप्रदान धनगढी के पल्पसा क्याफेमन उसरल बा

हिरगर साहित्यिक बगालसे डशिया डेवारीके शुभकामना आदानप्रदान धनगढी के पल्पसा क्याफेमन उसरल बा

धनगढी, २६ कुँवार

हिरगर संवाददाता

हिरगर साहित्यिक बगालसे डशिया डेवारीके शुभकामना आदानप्रदान धनगढी के पल्पसा क्याफेमन उसरल बा ।

हिरगरके नियमित साहित्यिक श्रृङखलाके ५२औं भाग अन्तरगत डसिया ओ डेवारीके शुभकामना आदान प्रदान करगिल हो । हिरगर साहित्यिक बगालके अध्यक्ष तथा यूनियन लाइफ इन्स्योरेन्स कम्पनी धनगढीके शाखा अधिकृत हिरालाल सत्गौंवा डसिया ओ डेवारी टडकभडकके साथ नै मनाके आपन क्षमता शक्ति अनुसारके मनाइ परना बाट बत्वाइल रहिट । साथे डसिया डेवारीमे लराइ झगरा ओ जुवा, तास खेल्के आपन ओ आपन घरपरिवारहे विचल्लीमे नै परिट कना सन्देश डेहल रहिट हेरैटी रहल हमार चालचलन संकृतीहेफेन नैबिसराइकपरल कना मन जोरडेनै ।

 

कार्यक्रममे युवा अभियन्ता ठाकुर प्रसाद करियाप्रधान युवा देशके कर्णधार हुइलक ओरसे अब्बाके युवा आपन खाली समय जुवा तास नै खेल्के समाजसेवा तथा सामाजिक कार्यमे संलग्न होके खाली समयहे सदुपयोग कैना बात बत्वाइल रहिट । ओस्टके कार्यक्रममे सिर्जना चौधरी डसिया लच्क्याइल ओरसे सखिया नाच नाचेबेर गैना गीत गाके कार्यक्रमहे चैनार परले रहिट । साथे चित्रकार मनिष चौधरी, गायिका गौरी चौधरी, साहित्यकार सागर कुश्मी, तुलाराम सनम, दुर्जनकुमार चौधरी, प्रेमलाल चौधरीलगायत साहित्यकारहुकनके उपस्थित रहल रहे । वस्तहिके युनियन लाइफके एजेनसी मेनेजर जालुराम, सुनिता, आरती, बलबहादुर चौधरी ते समाजसेवी अनुप चौधरी लगायत करिब दुई द्रर्जन सहभागी कार्यक्रमन शुभकामना आदन प्रदान कर्नै ।
कार्यक्रममे एक आपसमे शुभकामना आदान प्रदान करटी हिरगर डटकमहे ओ हिरगर साहित्यक बगालहे कैसिक आगे लैजाइ सेकजाइ कना विषयमे समेत छलफल करगील रहे ।