जेल छुटल पाछे पहिलबार ढुरहेरि हिरगर बगाल संग खेल्टी २ हप्ता भित्तर जोरदार खाका आइता कनै लक्ष्मण थारु

७ चैत धनगढी
हिरगर साहित्यिक बगाल नियमित ढुरहेरी कार्यक्रम असौं फेन से पाँचौ बरष लगातार मनैले बा । नियमित साहित्यिक श्रृखला ६५ औं भाग ओ ढुरहेरी फगुइ कार्यक्रम असौ एक दिन करके थरहट नेता लक्ष्मण थारुके घरमन उसरले बा । धनगढी टिकाराम चौधरीके घरसे सुरु हुइल ढुरहेरी फगवाइ अत्तरिया, मसुरिया, फुलवारी हुइति लक्ष्मण थारुके घरमन उसरले बा ।


हिरगर साहित्यिक बगाल सालो नेँगके घरदैलो करे कलेसे असौ मोटर साइकल ओ दुइठो कार मन पहरले बा । गायक राज, मोडेल मुन, गायीका आइसा, मोडेल उषागोरी ब्राण्ड काली ब्रण्ड ओस्तके सोंग्या रामुकुश्मी लगायत साहित्यकार सागर कश्मी लगायत सूर्या लाइफ इन्योरेन्स कं. धनगढी शाखाके अभिकर्ता टिम फेन सयुक्त सामेल रहै । सब कलाकारलोग अ अपन कला साहित्य बाचन ओ गायन प्रस्तुती रहे ।


कार्यक्रम समापन फुलवारी थरुहट नेता लक्ष्मण थारुके घरमन उसरल बा । लक्ष्मण थारु असौं दश बरष पाछे असौ हिरगर साहित्य बगालसँग रमाइलो होली खेल्ना अवसर जुटैलक मन हिरगर साहित्यिक बगालके अधक्ष्या लगायत वहाँक टिमहे धन्यवाद देलै । सँग बात जोरती हमार थरुहट अन्दोलन नै ओराइलहो कहटी अब के दुइ हप्ता किल प्रतिक्षा करेक परि कुछ खास योजना आइता कहति सब बात अब्बहि खोल्ना नै चहनै । सँग अवखरिक शनिच्चरके हुइना थरुहट के बिषयम बर्दियामन हुइना छलफल मन सहभागिता सक्कु जन्ना बुझना संघरियन आग्रहफेन कर्लेबटैं ।

थरुहट प्रति समर्पीत साहित्य बाचन फेन करके साहित्यकारलोग थप उर्जा जनैलै ।
हिरगर बगालके अध्यक्ष तथा सूर्या लाइफ इन्स्योरेन्स कं. लि. के एरिया शाखा प्रमुख समयके माँग सँग अब जिवन बीमाहेफेन अपन सुख से फेन ज्यादा दुःखके संघरिया जिवन बीमा फेन हमार समाजहे कर्ना जरुरी कनै । साथै बेरोजगरिता रहल हमार समाजमन अब एस एल सि पास हुके अब घरे नाबैठी अब सूर्या लाइफ अप्नेक गोझुम मासिक साठी हजार सम तलब दी कहती सूर्या लाइफ बीमकके लाइसेन्स निकारके काम करि कति आग्रह फेन कर्नै । ओ थप यी पार्ट टाइम जब हुइलेक मारे जे फेन जहाँसे फेन मजासे करे सेक्ना खुशिक बात फेन कनै ।
यस पालिक ढुरहेरी समापन हिरगरके अधक्ष्या कुछ खास हुइल कति ओ फरकपनके साथ साथ देहुइया सक्कहुन धन्यवाद कर्ती अबखरिक शनिच्चरके चुक्की बा कनै ओ चुक्की मनाइक लाग छेगरा डैके साथ देहुइया सुरेश हे धन्वाद देती ओ सँग अपन अमुल्य समय हिरगर हे दैके अमूल्य सहयोग करुइया सक्कहुन धन्याद कर्ती समापन हुयल रहे । कार्यक्रममन जम्मा सहभागिता करिब साठी जहनके रहे कलेसे दुइठो कार ओ अठारा बाइक मन आधा जिल्ला करिब घुमघाम करके ढुरहेरी मनैले रहैँ ।

Leave a Reply

Your email address will not be published. Required fields are marked *